گیم لوپ ایمولیٹر کے ساتھ PC پر Chennagam Paole ڈاؤن لوڈ کریں۔

پی سی پر Chennagam Paole

Chennagam Paole، جو ڈویلپر Vannoivah سے آرہا ہے، ماضی میں اینڈرائیڈ سسٹم پر چل رہا ہے۔

اب، آپ پی سی پر Chennagam Paole آسانی سے GameLoop کے ساتھ چلا سکتے ہیں۔

اسے GameLoop لائبریری یا تلاش کے نتائج میں ڈاؤن لوڈ کریں۔ مزید غلط وقت پر بیٹری یا مایوس کن کالوں پر نظر نہیں ڈالی جائے گی۔

بس بڑی سکرین پر Chennagam Paole PC کا مفت میں لطف اٹھائیں！

Chennagam Paole تعارف

Thumakai

Eipao a kon a Sappao a kiledoh ‘Chennagam Paole’ boldoh ding hi ka lunggel in ana umkha hih zong leh July 2001 kum a pat Chennagam monthly magazine a molmo tah a ka hin sut jiho chu simlai tamtah in aphatchompi uva, abu a siemdoh ding a ei ngehna jal un pan ka hin lathah in, eipao ka hed jouse le mipao phabep ka lahho ka hin sunlha’n, thucheng 11,490 alhing in ahi.

Hiche lekhabu a kimang spellingho hi Chennagam magazine a ana kimangho chu ahiu vin, ‘ahoipen le jui ding mong ahi’ ti a kibol vang ahipoi. Thucheng chuomchuom lhekhenna di a spelling ajadjad kimang ahijoi.

Literature Society kitubtah kinei hileh hitobang a akisajoujou vin lekhabu i bol uva, spelling jadchuomchuom i manu hi umlou dingdol ahi. Thucheng jouse hin spelling anei chieh diu, hichu by-heart ngai ahi’n, achuti lou leh eima ngaidan le pao kaidan a spelling i hin phudoh bebe nahlai diu ahije.

Ahi’nla Literature Society in apom spelling chu mipi’n i by-heart masang uva, Literature Society in lekhabu kisun jouse vetchilna (proof reading) anei a, suhdihna abol ngai ding ahi. Chutengleh ‘uniform spelling’ hung kimangthei ding ahitai.

Tuhin mi tamtah in Mizo spelling i lau vin, thucheng kikaisaoho chung ah ‘tluksei’ atiu ‘$’ i mang uvin, abang in double vowel i mang uvin, abangkhatma’n Bible spelling i tuhchah jeng uvin ahi. Aphamo aumdeh po’n, ahi’nla akhohpen chu mijouse’n spelling kibang @uniform spelling i man diu hi ahije.

Muntin a i chenthaang jeh un, i pao manu zong akibang po’n ahi. Vetsahna’n @ kimkhat in ‘thingpeh’ ti a gangtah a asei khu abangloi ‘thingpeeh’ ti a saotah a sei i um un ahi. Chutobangma chun anuoi a thuchengho hi gah veute :

keeh (thunderbolt) : keh

kisiih (regret) : kisih

kiit (again) : kit

eeh (excreta) : eh

thiih (iron) : thih

Hitobang a hi agamkai dungjui a i pao manu zong jadchuom ahijeh a uniform spelling ngai ahi.